Гэта старонка не была вычытаная
VI
Усе кладуць свае рэчы на падрыхтаваныя фурманкі. Вайскоўцы ставяць неспадзяваных акопнікаў па чатыры ў рад, хлапцоў і дзяўчат уперамешку. У Левіна з аднаго боку парабчук Сакалоўскага, з другога — Іра. Складаюць спіс усіх сарака чалавек. Потым правяраюць:
— Вайда?
— Я!
— Левін?
— Я!
— …
— Сухадолец?
— Хто Сухадолец?
— Я… я… — бурчыць засопшыся парабчук Сакалоўскага. Ён толькі што прыбег з напоўненай торбачкой.
— А ты глядзі ў мяне, морда! — пагражае вайсковец. — Можа ўцячэш?
— Х-х-халера… — злосна шэпча парабчук.
Вайсковец адным позіркам, бравым і грозным, вывучае свой пярэсты атрад, выпучвае грудзі,
