Гэта старонка не была вычытаная
Склют і гэбаль гузакоў
Насадзіў ня мала,
Покуль усе з усіх бакоў
Гэтак заблішчала!..
Або ўзяць хоць фундамэнт:
У замен штандараў,
Вечны камень і цэмэнт —
Ні вады, ні шпараў!
Два зайцы: зямля кругом
Чыста ад каменьняў
І ня будзе гінуць дом
З-за гнілых карэньняў!
У сярэдзіне дамок
Перабіт да столі
Ў даўжыню і ў папярок
На чатыры долі:
На пакоік для дзяцей,
Памяшканьне старым,
І куточак для гасьцей
І закут, дзе варым…
Вокна сьветлыя — бадай
Сажань бяз поўмэтра —
Колькі хочаш спажывай
Сьвету і паветра!
