Старонка:Купала Жалейка 1908.pdf/97

З пляцоўкі Вікікрыніцы
Гэта старонка была вычытаная

С усих сил вязци ўзялися.
Воз ня рушыцца нияк.
Пад нябйосы Лебедзь рвецца,
Шчупак цягне у ваду,
Распусциўшы клюшни, пхнецца
Рак назад, як на бяду!
Хто з йих винен, хто нявинен,
Не нам гэта раз’ясняць,
Но калйосы и дагэтуль
Як стаяли, так стаяць!

19 25/VII 06.


|}


Над калыскай.

(Наслядаванне з Лермонтова).

Спи, маленьки мой сыночэк!
Вочкам не миргни,
Свеце месяца кружочэк,
Тыж а доли сни;
Спи и слухай песни гэтай,
Ды ўспомни кали;
Спи, пакуль не знаеш света,
Люли, люли, спи!
Падрасцеш, зазнаеш гора,
Папиваеш слйоз,
Твае силы зломе змора,
Спека, ды мароз.
И спаткаешся на свеце
З непраўдай, з людзьми,
Спи, сыночэк! месяц свеце,
Люли, люли спи!