Старонка:Купала Жалейка 1908.pdf/101

Злитые горкай бядноты слязми;
Голад загине, бяда пакине!
Долю мець будзем,—эй! будзем людзьми!

|}

---

Змачу пйорка…

Змачу пйорка ў ватрамэнту
Ды як чыркну па паперы,—
Крэнту-мэнту, крэнту-мэнту,—
Як быки, стаяць литэры.
Глянеш, у ваднэй з йих кучы
Прачытаеш: «усе браця»..
У другой гоман траскучы:
«Нима невукаў у хаце».
А у трэццяй дык свабоду
Видзиш вольную пад неба;
А ў чацвйортай- «для народу
«Досиць грошы, досиць хлеба!»
А хто гэта прачытае,
Скажэ: добра написана;
Скажэ: штосьци мужык знае,
Дарма што бядней ат пана»!...
Дык вот кали атрамэнту
Крыху выллю на паперы,
Крэнту-мэнту, крэнту-мэнту,—
Як быки, стаяць литэры…

---