Яўхім Гаворка, да якога цяпер зварочваецца аўтар, які, нібыта, ужо даўно яму служыў, гэта іншасказ. Проста адчуваецца, што Камуняка ў гэтым выразе вызначае сваё мастацкае пяро, і жадае сказаць, што ўжо з даўных часоў ён займаўся творамі літаратурнымі, не навак у гэтай галіне.
Вось чаму сама набіваецца задача адшукаць і іншыя творы гэтага пісьменьніка.
З прычыны таго, што аўтар, як мы бачылі вышэй, яшчэ больш блізка быў знаёмы з Мялешкай, чымся з Абуховічам, мімавольна вынікае жаданье дасьледваць літаратурны твор, вядомы пад назвай "Прамова Мялешкі".
Трэба зазначыць і яшчэ адно: В. У. Ластоўскі выказаў ужо думку, што па стылі Прамова Мялешкі і Ліст Камунякі да Абуховіча калі не аднае і тае-ж рукі, то, бязумоўна, аднае і тае-ж самой пісьменьніцкай школы" [1].
Само сабой паўстала заданьне дэтальнага вывучэньня літаратуры „Прамовы Мялешкі" і самага твору.
- ↑ Ластоўскі. В. У. Гісторыя беларускай кнігі. Коўня, 1926, стар. 447.
