|
Дзе вы брацьця удальцы, дзе вы, хлопы-касцы?
Гэй дакуль на вас трэба чэкаць?
Час вам косы клепаць, час вам на сенажаць —
Час вам сілу сваю паказаць!
Пакуль згіне раса, хай засьвішчэ каса,
Ніхай вале у пракосы траву:
Ніхай прыдзе канец на сівец, на званец,
Хай пазнаюць усе грамаду!
Сонце паліць агнем, пот ліецца цурком…
Гэй прівыклі да гэтага вы!
Як вы толькі узраслі, к працы цяжкай ішлі,
І ніхто ні жалеу вас ані!
Пот ліецца цурком, — абмахні рукавом
Дый касой замахай весялей,
І з упаушай грудзі песьню сьлез завядзі,
Песьню родную долі сваей!
Песьню пей і касі, пакуль ясныя дні,
Пакуль хмарау на небе німа;
Зямля, плуг і каса — гэта наша краса,
Гэта наша пацеха адна!..
|
