Старонка:Вязанка (1903).pdf/17

З пляцоўкі Вікікрыніцы
Гэта старонка была вычытаная

Прадамъ дровы—куплю жыта.
Отъ и лезу зъ цяжкимъ возамъ,
Якъ бяда ў каркъ пагнала
Такимъ лихамъ ды й марозамъ!…
Ну, кабыла, чаго стала?!
Адагрэцца-бъ у карчомцы,
На дарогу стукнуць чарку…
Дыкъ я виненъ грошы Шлёмцы,
Кабъ ня даў часамъ па карку!
Ой ты, доля!… ў гэту пору,
Якъ мяне ды ты прабрала!…
Ну, кабыла! Ну, на гору!
Кабъ ты здохла, чаго стала?!

|}



Горсць пшаницы.

(Вольное наследоване Кондратовича).

Пилипъ стары ў грамадзи
Старшиною быў съ поўве̄ка.
Чы ў працы, чы ў радзи
Нямашъ якъ ёнъ чалаве̄ка.
Щыры, добры и разумны,
Гаспадаръ пры томъ на дзива,
Вёў найлепей сходъ нашъ шумны,
Судзіў, радзіў справядлива.
На ўсю воласць гаспадары
Гутарыли такъ часами:
«Дай Богъ, кабъ нашъ доўга стары
«Старшиною быў надъ нами!»
Тольки Пилипъ ўсё матае
Сваей сивой галавою: