Старонка:Божая ліра (1930).pdf/72

(: Бо-ж з Тваёй збаўленьне Волі,
Вывядзі нас з горкай долі,
Каб мы выйшлі із няволі — О Хрысьце :)

3.Для душы Цябе нам трэба — Дух Сьвяты!
Ты пачуй нас грэшных з неба — Дух Сьвяты!
(: Лучнасьць з намі хай настане,
Камень сэрца хай растане,
Вызваль нас ад катаваньня — Дух Сьвяты! :)

4.Міласэрна будзь нам грэшным — О Тройца!
Хай жыцьцё сваё палепшым — О Тройца!
(: Дай нам новы быт пачаці,
ў новае жыцьцё ўступаці,
Каб рай быў у нашай хаце — О Тройца! :)

---

57.НЯ КІНЬ МЯНЕ!

1.Ня кінь мяне, бо я Табе́ малюся,
Ты мой Ацец, што прабывае ў небе!
Не аднімай мне помачы ў патрэбе,
Ня кінь мяне, ня кінь мяне!

2.Ня кінь мяне, калі ў грахох таплюся,
Калі з адчаю льюцца горкі сьлёзы —
Твая далонь хай збавіць ад пагрозы, —
Ня кінь мяне, ня кінь мяне!

3.Ня кінь мяне, як ў слабасьці сагнуся,
Як тухне дух, спадзея ўжо малая, —
А будзь пры мне, як вера заслабая —
Ня кінь мяне, ня кінь мяне!

4.Ня кінь мяне, як ў гробе палажуся,
Калі прыйдзе маёй часіна сьмерці —
Недапусьці бяз веры мне памерці —
Ня кінь мяне, ня кінь мяне!

---