Старонка:Божая ліра (1930).pdf/33

3.Міласэрны Ты убогім,
Што галодныя жывуць,
Што людзям працуюць срогім,
Ад нядолі, зьдзеку мруць…
Скінь цяжар, памажы,
Дай пацеху душы!

4.Міласэрны будзь, о Божа!
Чуй людзкі боль, енк і плач,
Творча Міласьць хай паможа,
Зло ў дабро ім перайнач!
Цяжка жыць ім ня даш,
Літасьць мей, Ойча наш!

---

13.ЧЭСЬЦЬ БОГУ ПЯЁМ.

1.Чэсьць Богу пяём мы ў гімне сваём,
Дань шчыру нясем і ўночы і днём, —
Ён наш абаронца, пільнуе Ён нас,
Вядзе нас да сонца у кожны дня час!

2.За шчодрых шмат ласк, хай славу аб Ём
Разносіць наш брат і ўночы, і днём —
З падзякай за тое, што ўвесь людзкі род,
З нізоў паднімае да неба высот!

3.Мы молімся ўслух — Айцом ёсьць нам Ён.
Для верных слуг Ён кідае свой трон,
Ён сэрцам кіруе і ўсенькім жыцьцём,
І нас Ён гадуе і ўночы і днём!

4.Трымаймася-ж з Ім заўсёды што дня,
Хай верыць ва ўсім ўся наша радня,
Бо ў Ём ёсьць і мудрасьць і рада у Ём,
Збаўляе, ратуе ці ўночы, ці днём! —

---