Старонка:Божая ліра (1930).pdf/191

VIII.
Абход сымболічнай памяткі Гасподняй Вячэры.

(Пастар, духоўны, ці заступнік, прачытае адзін або некалькі із ніжэйнаступных адрыўкаў із сьв. Эвангельля; ў часе гэтага чытаньня выбраныя зборам людзі (stewards) зьбіраюць складку для бедных, — ці на іншыя патрэбы збору).

„Дык хай сьвеціць сьвятло вашае перад людзьмі, каб яны бачылі добрыя дзеяньні вашыя і славілі Айца вашага, які ёсьць у не́бе“. (Мат. V. 16.).

„Ня зьбірайце сабе скарбаў і багацьцяў на зямлі, дзе моль ды іржа нішчаць і дзе зло́дзеі падкопваюцца і крадуць“ (Мат. VI. 19).

„Але зьбірайце сабе скарбы ў небе, дзе ані моль, ані іржа ня нішчаць, і дзе злодзеі не падкопваюцца і не крадуць; бо дзе скарб ваш, тамака і сэрца вашае“. (Мат. VI. 20 і 21).

„І так ува ўсім, як хочаце, каб з вамі паступалі людзі, так паступайце і вы з імі; бо ў гэтым закон і прарокі“. (Мат. VII. 12).

„Ня ўсякі, што мне кажа: Го́спадзе! Го́спадзе, увойдзе ў Царства Нябеснае; але той, што выпаўняе волю Айца Майго Нябеснага“. (Мат. VII. 21.)

„A Закхей, стануўшы, сказаў Госпаду: Го-