1.О, Хрысьце, прыймі мяне
На улоньне, на сваё,
Бо наўкол грыміць, гудзе
Страшнай бураю жыцьцё.
Ты схавай мяне, прашу,
Пакуль бура у жыцьці,
Супакой маю душу, —
ў цішыню сваю вядзі.
2.У каго-ж знайду я схоў?
Хто-ж ў жыцьці, паможа мне?
Толькі Ты! Твая любоў!
Паратуеш Ты мяне!
Падасі сваю руку,
Каб бясьпечна мог я жыць;
Ты дазволіш галаву
Пад Тваёй страхой злажыць!
3.Для мяне, Хрысьце, Ты — ўсё!
Да Цябе ісьці давай
Праз гаротнае жыцьцё,
Пацяшай і узмацняй!
Ты адзін прадвечны Бог
Паратуй мяне ў жыцьці,
Ля Тваіх малюся ног —
Не карай за ўсе грахі!
4.Ты — крыніца дабраты,
Абмываеш душы з плям,
Дык змый ўсе з мяне грахі
І ачысьць мяне Ты Сам!
Ты — рака вады жывой!
Дай вады мне гэтай піць!
Каб з ачышчанай душой
Мог з Табой навекі жыць!
