|
Прывіталіся моўчкі за рукі,
выбіралі дарогу наўгад,
адыходзілі — слухалі грукат:
пераклічку вячэрніх брыгад.
1-ая брыгада:
Пагулянкі — прагулы
зваяваны дашчэнту;
здалі нормы агулам
сто дванаццаць процэнтаў.
Гэта — першая радасьць,
але будзе уцехай:
ад ударнай брыгады —
да ўдарнага цэху!
2-ая брыгада:
— Узрасла продукцыйнасьць
у сягоняшняй працы,
але будзе злачынна,
каб на гэтым застацца.
Мы пашырым уцеху
яшчэ большай ахвотай:
ад ударнага цэху —
да ударных заводаў!
3-ая брыгада:
Бяз дотацыі сродкаў,
па сягоднішніх даных,
на пятнаццаць адсоткаў
перавышаны пляны.
|
