Старонка:Адвечная песьня.pdf/14

З пляцоўкі Вікікрыніцы
Jump to navigation Jump to search
Гэта старонка была вычытаная



V.
За сахою.

Поле. Неба яснае. У недалёкай зялёнай дуброве кукуе зязюлька
Мужык арэ. Конік, малы і куды, што мінута прыстанаўліваецца
Над галавой аратага пяюць жаваранкі. Гасьцінцам прыбліжаецца падарожны.

Араты (ходзючы за сахой).

        Гайда, баразною,
        Косю мой маленькі,
        Гайда, за сахою,
        Селянін худзенькі!

            Гэткае раздольле
            На усе староны! —
            Выарэм мы поле
            Ў скібіны, ў загоны.

        Зерня ў полі зложым
        Жменяй спрацаванай;
        Зарунейся збожжэм,
        Цьмяная паляна!

            Пройдуць гэтта людзі,
            Бедны і багаты,
            Дзіўна, дзіўна будзе,
            Што зрабіў араты?

        Гайда баразною,
        Косю мой маленькі!
        Гайда за сахою,
        Селянін худзенькі!

Падарожны (падбліжаючыся).

        Гетак с песьняй, гэтак,
        З верай і надзеяй