Слуцкія ткальлі

З пляцоўкі Вікікрыніцы
Jump to navigation Jump to search
Слуцкія ткальлі
(Апошняя аўтарская рэдакцыя)

Верш
Аўтар: Максім Багдановіч
Крыніца: http://rv-blr.com/vershu/view/41623


Ім не пабачыць роднай хаты,
Ня ўчуць ім дзетак галасы.
Яны у панскі двор узяты
Ткаць залатыя паясы.
І цягам доўгія часіны,
Аб шчасьці ўжо забыўшы сны,
Свае шырокія тканіны
На лад пэрсідзкі ткуць яны.
А за сьцяной шляхі у поле,
Шуміць чарэмха ля вакна, —
І думкі мкнуцца мімаволі
Туды, дзе расьцьвіла вясна.
Там так вясё ла і прыгожа:
Зіяюць срэбрам ручайкі,
І у зялёных хвалях збожжа
Закрасавалі васількі.
Там шчыры бор шуміць сувора…
Ты тчэш, бязвольная рука,
Заміж пэрсідзкага узора
Цьвяток радзімы васілька.

Глядзіце таксама[правіць]