Рассвяткуйся, неба, выбухні зарніцай…
Перайсці да навігацыі
Перайсці да пошуку
| «Рассвяткуйся, неба, выбухні зарніцай...» Верш Аўтар: Леапольд Родзевіч Крыніца: Леапольд Родзевіч. Творы |
Прапануем да спампаваньня!
Рассвяткуйся, неба, выбухні зарніцай,
Памажы сярмяжным шумна весяліцца,
Бо з зямелькі-маці мае нарадзіцца
У кашульцы шчаснай Беларусь сінявока.
Даставай жа, Юр'я, ключы залатыя,
Расчыняй пакоі яснавеснавыя.
Падмятай жа, Пётра, з хмар пакоі тыя,
Яірам пасып ад Дняпра да Беластока.
А Ілля на нечысць з стралой перуновай
Няхай папалюе па старонцы новай.
Загад гэткі кажа рабачай вясковы,
Бацька Нараджонай, ён жа і пострах Цмока.