Полёнізацыя Заходняй Беларусі (1932)/Беларуская буржуазія, ксяндзы і паны — хаўрусьнікі гвалту і зьдзекаў

← Сапраўднае аблічча натхніцеля полёнізацыі і фашызацыі

Беларуская буржуазія, ксяндзы і паны — хаўрусьнікі гвалту і зьдзекаў Публіцыстыка Аўтар: Пётр Гарбацэвіч-Клінцэвіч 1932 год

Барацьба з полёнізацыяй →

Прапануем да спампаваньня!

Беларуская буржуазія, ксяндзы і паны — хаўрусьнікі гвалту і зьдзекаў

Луцкевіч не абвяргае, што ў яго нацыянал-фашысцкім лягеры чынная частка ксяндзоў-беларусаў ужо... „зьнеахвоціўшыся да беларускае працы... зусім выраклася ўсялякае беларускае работы і гадуе бруха“...

„... І вось, гледзячы на іх і людзі „маленькія“, згаладалыя і зьняверыўшыся ва ўсім, што раней лічылі важным і нават сьвятым, пакідаюць слаўны шлях змаганьня за сваю нацыянальную душу, за родную мову, родную школу і — ідуць да чужых, спадзяючыся, што такім чынам у гэткі цяжкі для ўсіх час прыдбаюць сабе нейкую матар‘яльную карысьць...“ („ Беларускі Звон“).

Пры такіх умовах зусім натуральна і няўхільна выступае ўся здрада беларускай буржуазіі, ксяндзоў і папоў і іх ідэолёгаў справе беларускага народу і робіць тое, што яны зьяўляюцца окупанцкай зброяй полёнізацыі.

Ды інакш у прадстаўнікоў і ідэолёгаў беларускай буржуазіі, памешчыкаў і кулацтва на даным этапе клясавай барацьбы ва ўмовах польскай окупацыі Заходняй Беларусі і ня можа быць, а тым больш у тых, якія найбольш зжыліся з клясай пануючай нацыі і бачаць адзіны ратунак ад сваёй пагібелі толькі ў цесным саюзе з окупантамі.