Пойдзім мы, дзевачкі

Пойдзім мы, дзевачкі Народная песня Крыніца: Хрэстаматыя [Ноты] : па беларускай народнай музычнай творчасці : для ўстаноў адукацыі сферы культуры : [для спеваў (сола, хор) без суправаджэння / аўтар–укладальнік Зыкава Л. В.] ; Міністэрства культуры Рэспублікі Беларусь, Дзяржаўная ўстанова адукацыі "Інстытут культуры Беларусі" ; [прадмова ад укладальніка]. — Мінск : Інстытут культуры Беларусі, 2012. — 208 с.

Беларуская маслянка, запісаная Зінаідай Мажэйка ў 1973 г. у в. Аношкі Лепельскага раёна Віцебскай вобласці // З. Я. Мажэйка. Песні беларускага Паазер’я. Мінск, 1981. № 34. Масленка.

Прапануем да спампаваньня!

Пойдзім мы, дзевачкі,
Пойдзім мы, падружкі,
За мора ў красачкі.
За намі, дзевачкі,

За намі, падружкі,
Стары дзед гоніцца.
Возьмім мы, дзевачкі,
Возьмім мы, падружкі,

Старога на вілы.
Кінім мы, дзевачкі,
Кінім мы, падружкі,
Старога ў крапіву.

Пойдзім мы, дзевачкі,
Пойдзім мы, падружкі,
За мора ў красачкі.
За намі, дзевачкі,

За намі, падружкі,
Роўніца гоніцца.
Возьмім мы, дзевачкі,
Возьмім мы, падружкі,

Роўніцу ў падручкі.
Кінім мы, дзевачкі,
Кінім мы, падружкі,
Роўніцу ў падушкі.