Пентаметры

З пляцоўкі Вікікрыніцы
Jump to navigation Jump to search
Пентаметры
Верш
Аўтар: Уладзімір Жылка
Крыніца: http://litby.com/stihi/zhylka/246-zhylka-017.html


Келіхі, сябры, паўней! Асыпаюцца яблыняў кветы,
Гіне вясны хараство — бела-ружовы убор,
Дзеці ўздыхаюць па ім, але мудрага яснасць няўзрушна;
Там, дзе распукваўся квет, к восені выспее плод.
Келіхі, сябры, паўней! Час прызначаны кожнай праяве:
Моладасць прочкі імкне. Сталасці прыйдзе чарга!

(1925)