Па беларускім бруку (1925)/Рытм гораду/Самалёт

← Чырвонаармейская

Самалёт Верш Аўтар: Андрэй Александровіч 1925 год

Новы Менск →

Іншыя публікацыі гэтага твора: Самалёт (Александровіч).

Прапануем да спампаваньня!

САМАЛЁТ

М. Маразоўскаму.

Плыві, плыві, наш самалёт
вышэй, вышэй што-год!

∗
∗     ∗

У сінім бяздоньні пагоня
самалёта за самалётам.
Дзяржава — крылатая коньніца,
„Беларусь“ узьнялася, гоніцца!
І хмарай — чырвоныя крыльля,
баявы атрад — эскадрылія.

Самалёт „Беларусь“ кружыцца, —
сілу памераць, падужацца.
Чуеш? схватка! звоняць
кулямёты за кулямётамі.

У сінім бяздоньні пагоня
самалётаў за самалётамі!

---