Непагодны вечар. Сумна, дружа, мусі?

З пляцоўкі Вікікрыніцы
Jump to navigation Jump to search
Непагодны вечар. Сумна, дружа, мусі?
Верш
Аўтар: Максім Багдановіч
Крыніца: http://www.maksimbogdanovich.ru/stories/92.htm



Непагодны вечар. Сумна, дружа, мусі?
Каб разважыць смутак, ціха запяваю: —
Ой, ляцелі гусі ды з-пад Белай Русі,
Скалацілі воду ціхага Дунаю.
 
Ёсць любоў на свеце, здрада і расстанне;
Шмат яшчэ чаго нам прыйдзецца зазнаці…
Ўсё мацней пяю я аб чыімсь каханні,
І тугі у спеве болей не схаваці.