На юбілей Ажэшчыхі

З пляцоўкі Вікікрыніцы
Jump to navigation Jump to search
На юбiлей ажэшчыхi
Верш
Аўтар: Янка Лучына
Крыніца: http://yankalychina.ru/categories/1.htm


Містрыня наша!
Люд увесь з пашанай
Табе злажыў удзячнасці даніну,
Каб лаўр заслугі і хвалы адданай
Вянчаў Цябе вякам для напаміну.
Ты праўды ідэал, красою ўбраны,
Герб працы, дабрыні узор з узораў,
Бальзам збавення кожны з нас на раны
Бярэ і браў з Тваіх руплівых твораў.
Палац, варштат, і гмахі, і паветкі,
Дзе мова польская яшчэ жывая,
Бяруць Твае і каласы, і кветкі,
Твой вольны заклік край наш паўтарае.
Удзячнасцю Табе народ з'яднаны,
Твой вобраз шчырым словам знакаміты,
У горадзе над Свіслаччу сабраны
Вянок з зямляцкіх галасоў прымі Ты.