На чужыне

З пляцоўкі Вікікрыніцы
Jump to navigation Jump to search
На чужыне
Верш
Аўтар: Максім Багдановіч
1905



Вакол мяне кветкі прыгожа красуюць.
Маркотна між іх я хаджу адзінок,
Аж бачу — мне сіняй галоўкай ківае
Наш родны, забыты ў цяні васілёк.
«Здароў будзь, зямляча!» Чуць бачны ў даліне,
Панура, нявесела шэпча ён мне:
«Ўспамянем, мой дружа, ў багатай чужыне
Аб беднай, далёкай сваёй старане».

(1905)


Глядзіце таксама[правіць]