Наш сымболь

З пляцоўкі Вікікрыніцы
Наш сымболь
Верш
Аўтар: Карусь Каганец
1893
Крыніца: https://knihi.com/Karus_Kahaniec/Nas_symbol.html

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Адважна, брацця, наперад ідзеце

Цвёрдай і правай ступою!

Кожнаму смела у вочы глядзеце,

Праўду нясеце з сабою!

За родну краіну, звычай і мову,

За гонар груддзю ставайце!

Да будзьце верныя сваему слову,

З праўдай заўсюды трывайце!

Тады вы усякую зможаце сілу,

Ворагам прыйдзе скаранне!

Правым дасць бог наградачку мілу,

Шчасце і радасць настане!

1893