Мы выйдзем шчыльнымі радамі (Краўцоў)

З пляцоўкі Вікікрыніцы
Jump to navigation Jump to search
Мы выйдзем шчыльнымі радамі… (Ваяцкі марш)
верш
Аўтар: Макар Краўцоў
1919
Крыніца: Анталогія беларускай паэзіі ў трох тамах, т. 2. — Мінск: Мастацкая літаратура, 1993
«Ваяцкі гымн»


Wikipedia logo
Глядзі артыкулы Мы выйдзем шчыльнымі радамі ў Вікіпедыі і Мы выйдзем шчыльнымі радамі ў Вікіпэдыі (тарашкевіца), свабодных энцыклапедыях.


Ваяцкі марш


Мы выйдзем шчыльнымі радамі
На вольны родны свой прастор.
Хай воля вечна будзе з намі,
А гвалту мы дамо адпор!
Дамо адпор!

Няхай жыве магутны, смелы
Наш беларускі вольны дух,
Вольны дух,
Штандар наш бел-чырвона-белы
Пакрыў сабой народны рух.

На бой! За шчасце і за волю
Народу слаўнага свайго!
Браты, цярпелі мы даволі…
На бой! — усе да аднаго!
Да аднаго!

Імя і сілу беларуса
Няхай пачуе й бачыць той,
Бачыць той,
Хто смее нам нясці прымусы
І першы выкліча на бой.

Браты, да шчасця мы падходзім;
Хай гром грыміць яшчэ мацней!
Ў крывавых муках мы народзім
Жыццё Рэспублікі сваей!
Жыццё Рэспублікі сваей!


1919