Мой дом (1946)/На ростанях

З пляцоўкі Вікікрыніцы
(Пасля перасылкі з Мой дом/На ростанях)
Маёй Марусі Мой дом
На ростанях
Аўтар: Якуб Колас
Ці дома я

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




НА РОСТАНЯХ

Шмат напісаць мне аб чым трэба,
Душа-ж мая жыве адным:
Схавала радасць маю глеба
Пад ціхім крыжам дзервяным,

І дзе знайсці мне тыя словы,
Каб выказаць жальбу маю!
Мне не стае душы паловы,
Свой боль я ў сэрцы затаю.

І буду думаць у тым болю,
Сум абыймаючы вакруг,
Што я не ўбачу больш ніколі
Цябе, мой лепшы ў свеце друг!

Было-б лягчэй мне, каб я ведаў,
Што жаль мой дойдзе да цябе,
Але не знойдзе к табе следу
Мая туга нідзе, нідзе!

Апошні міг. Труна раскрыта.
Халодны дождж пайшоў гусцей,
А ў кусціку, расой абмытым,
Свой гімн табе спеў салавей.

17/VI-1945 г.