Матылі

З пляцоўкі Вікікрыніцы
Jump to navigation Jump to search
Матылі
Верш
Аўтар: Уладзімір Жылка
Крыніца: http://rv-blr.com/vershu/view/3652


Помню - хлопчыкам маленькім
Падабаў я зелень ніў
І на пожні, каля рэчкі,
Матылёў лавіць любіў.

Так у гульнях і забавах
Дзень за дзень міналі ўслед,
А у ночку на Купалле
Ў лес шукаць бег агняквет.

А цяпер, калі шукаю
Праўды, шчасця для людцоў,
Ці не тое ж дзіцяня я,
Што лавіла матылёў?

(1920)

Глядзіце таксама