Творы М. Багдановіча (1927—1928)/I/I/37

← 36. Першая любоў

37. ⁂ Маркотна я чакаю Верш Аўтар: Максім Багдановіч 1927 год

38. ⁂ Пад ценьню цёмных ліп →

Прапануем да спампаваньня!

37.

∗     ∗
∗

Маркотна я чакаю. Для чаго ты
Ня выйдзеш з хаты ў жаркі поўдзень зноў?
Тады-бы, пэўна, выціснулі боты
Па мяккаму асфальту рад сьлядоў.

І я, нявідны для цябе і бледны,
Ня бачачы нічога ўкруг сябе,
Прыпаў-бы к ім… І вось чакаю бедны:
Ці-ж хутка зьявіцца канец журбе?

1911.

Увагі

37. Маркотна я чакаю… Верш выдаецца з аўтографу (папка IV, № 8, арк. 7). Адносна году напісаньня гл. ўвагу да вершу № 36.