Май (Лучына)

З пляцоўкі Вікікрыніцы
Jump to navigation Jump to search
Май
Верш
Аўтар: Янка Лучына
Крыніца: http://yankalychina.ru/categories/1.htm


Між ясных дзён, маёвых дзён
Як дзіўна ў лесе!
Былыя хвілі шчасціць сон,
У сэрцы песня.
Гамоніць радасна гушчар,
Любоўю поўны,
І мысль імкне да светлых мар,
Да ўцех чароўных.
3 павевам ветру гімн жальбы
Здалёк нясецца.
А боль аціх, ачах нібы,
Пакінуў сэрца.
Спявае гай, дзівосны гай:
Зімы не стала.
Ў душы маёй хвілёвы май,
Хоць шчасця мала.