Ліст Антона Аўсяніка да Вацлава Іваноўскага (8 чэрвеня 1920)
| Ліст Антона Аўсяніка (як мяркуецца; меркавана Менск) да Вацлава Іваноўскага (Вільня) Ліст Аўтар: Антон Аўсянік 8 чэрвеня 1920 году Крыніца: Архівы Беларускай Народнай Рэспублікі, Т. 1, кн. 1, 1998 г., б. 779 |
| У Дзяржаўным Архіве Летувы: Фонд 582 вопіс 1 справа 41 аркуш 69 і адваротны бок; канвэрт: Фонд 582 вопіс 1 справа 41 аркуш 70. |
Прапануем да спампаваньня!
Стварылася тое аб чым я Вам гаварыў у Менску: з п. Аляксюком я зусім разышоўся у мэтодах працы. За час яго адсутнасьці мы шмат чаго зрабілі: ёсьць ужо ахвотнікі, ёсьць кашары, жаўнеры у кашарах, 15 агітатараў працуюць па паветах.
Баюся, што п. А[1] усё пераінача по своему. Трэба рашуча спыніць унутрані разлад. Гэта зрабіць можэце толькі Вы.
Вас чакаемо нецяпліва[2]. Гэту пісульку Вам перадасьць афіцэр Шамко. Ён у Вільні заўмецца справай рэгістрацыі афіцэраў, вербоўкай ахвотнікаў і перасылкай іх у Менскія кашары.
Чакаю!
Ваш А…