Каваль

З пляцоўкі Вікікрыніцы
Jump to navigation Jump to search
Каваль
Верш
Аўтар: Уладзімір Жылка
Крыніца: http://old.knihi.com/bk/zylka/zylka1.html


Горан мехам раздзьмухаю,
Палажу на горан сталь.
Што рабіць, я знаю, знаю,
Нездарма куе каваль!

Падзялілі чужаніцы,
У няволі старана.
Не скую у плуг паліцы -
Не прыдасца мне яна.

Закаваны люд мой, волат,
Крыўд нязлічаных цяжар.
Вышай, вышай, верны молат,
Нестрыманы ў сэрцы жар...

Хлопцы, хлопцы, - на змаганне!
Гэй, крыўдзіцель, вораг, - прэч!
Нездарма каваў я зрання,
Недарма навостран меч.

(?)