Збор твораў (Колас, 1928—1929)/I/1/I/Вецер

← Усход сонца

Вецер Верш Аўтар: Якуб Колас 1928 год

Думкі →

Іншыя публікацыі гэтага твора: Вецер (Ой, ты, вецер неспакойны!..).

Прапануем да спампаваньня!

ВЕЦЕР

Ой, ты, вецер неспакойны!
Дзьмеш ты бяз устанку,
Адну песьню нам сьпяваеш,
Адну баеш байку.

То заплачаш сіратою
Над убогай хатай,
То застогнеш, як пад нівай
Селянін-араты,

То засьвішчаш за вугламі,
Жалем разальлешся,
То сярдзіта ў дзьверы стукнеш,
Злосна засьмяешся…

Ой, ты, вецер неспакойны,
Ты мой брат па долі!
Раскідаем сьмех і сьлёзы
Мы у чыстым полі.

1908 г.