Дыямэнты беларускага прыгожага пісьменства (1919)/9/Соннэт

← Пагоня

Соннэт Верш Аўтар: Максім Багдановіч 1919 год

Перапішчык →

Іншыя публікацыі гэтага твора: Санэт (Паміж пяскоў Эгіпецкай зямлі…).

Прапануем да спампаваньня!

Соннэт.

Паміж пяскоу Егіпецкай зямлі,
Над хвалямі сінеючаго Ніла
Ужо колькі тысяч год стаіць магіла
У гаршчку насення жменю там знайшлі.

Хоць зернейкі засохшымі былі,
Усе ж такі жыццевая іх сіла
Збудзілася і буйна ускаласіла
Парой вясенняй збожа на раллі.

Вось сымвол твой, забыты краю родны!
Зварушэны нарэшці дух народны,
Я верую, безплодна ні засьне,
А уперяд рыніцца, мауляу, крыніца,
Каторая магутна, гучна мкне,
Здалеушы з глебы на прастор прабіцца.

---