Дыямэнты беларускага прыгожага пісьменства (1919)/9/Слуцкія ткачыхі

Слуцкія ткачыхі
Верш
Аўтар: Максім Багдановіч
1919 год

Іншыя публікацыі гэтага твора: Слуцкія ткачыхі.

Прапануем да спампаваньня!

Слуцкія ткачыхі.

Ад родных ніу, ад роднай хаты
У панскі двор дзеля красы
Яны бездольныя узяты
Ткаць залатыя паясы.
І цягам доугія часіны,
Дзявочыя забыушы сны,
Свае шырокія тканіны
На лад пэрсіцкі ткуць яны.
А за сьцяной сьмяецца поле
Зіяе неба з-за вакна —
І думкі мкнуцца мімаволі
Туды, дзе расьцвіла вясна,
Дзе блішча збожжа у яснай далі,
Сінеюць міла васількі,
Халодным срэбрам з‘яюць хвалі
Між гор ліючайся ракі.
Цямнее край зубчаты бора…

І тчэ, забыушыся, рука
Заміж пэрсіцкага узора
Цьвяток радзімы васілька.