Дыямэнты беларускага прыгожага пісьменства (1919)/11/Эх, сягоння…

Эх, сягоння…
Верш
Аўтар: Алесь Гарун
1919 год

Іншыя публікацыі гэтага твора: Эх, сягоньня, ў гэту ночку…

Прапануем да спампаваньня!

Эх, сягоння, у гэту ночку

Эх, сягоння, у гэту ночку
Я уцяку адгэтуль проч!
Шэрым воукам па лясочку.
Хай дагоніць, хто ахвоч!

Хай тагды, сярод дарогі
Станець хто — ні будзе рад:
Чорны вуж абкруціць ногі.
Буду вужам, буду гад!

Хай тагды шукаюць у лесе
Цемных, вузкіх, воучых троп!
Як арол у паднябессе
Я узлячу над земскі строп.

У небі роуным, чыстым шляхам
Яснай зоркай палячу,
І скачуся панад дахам
Роднай вескі і ускрычу:

— Гэй хто есьць тут! Люд галодны,
Люд пакутны! Да мяне!
Станьма, брацця, у шых паходны —
Наша гора праміне.

Досыць нам з нядолі віці
Ценкі жыцця свайго пас,
Слухай, люд: прынес я віці,
Хто за мною, брацця? — Час!

Устануць, рушаць: „Проч з дарогі!
Хто нам хоча заступіць?
Мы пайшлі, мы люд убогі,
Усе узяць, ці усе згубіць“…

Думкі, думкі звадыяшкі,
Ах, ні мучайце мяне!
Вам усе гульні, а мне цяжка,
Мне няволя ні міне…