Другое чытанне для дзяцей беларусаў (1909)/Вершы і байкі/Зязюлька

Зязюлька
Верш
Аўтар: Тітоў
1909 год

Прапануем да спампаваньня!

Зязюлька.

Побак нашай вёскі
У зялёным гуку,
Як весна настане,
Чуем: ку-ку, ку-ку.
Што зязюля кажэ,
Адгадаць ня трудна;
Кажэ: прыдзе доля,
Хоць ідзе марудна.
Прынясе с сабою
Нам зямлі і хлеба,
Мусіць нашы модлы
Даляцелі ў неба.
Дай жэж, Божэ мілы,
Каб прышла та доля,
Прынясла ў дастатку
Хлеба нам і поля.
Будзе гдзе скацінку
Выпусьціць на пашу,
Будзе забяліць чым
Крупнічак і кашу.
У пары зімовай
Будзе дроў ў дастатку,
Стане і бярвеньня
Паднавіць нам хатку.
Будзем жэ мы, дзеткі,
Божэньку маліцца,
Каб ён дараваў бы
Лепшае нам жыцьце.

Тітоў.