Хрыстовы Золак (1927)/Да маці

← Я

Да маці Верш Аўтар: Міхась Ключановіч 1927 год

Сірата →

Прапануем да спампаваньня!

XV. ДА МАЦІ.

Ня плач маці,
Ня плач маці
Па сынку сваім!
Не пайшоў ён
Прападаці
Ды ў бары глухім.
А пайшоў ён,
Родна маці,
Праўданьку шукаць.
Ня плач маці,
Ня плач маці,
Годзі шкадаваць!
Дый знайшоў сын
Праўду тую
Ў сэрцайку сваім.
Ня плач маці,
Ня плач маці
Па сынку такім!

Пужычы. 1 студзеня 1921 г.