Гудкі (1931)/Песьня

← Вясна ідзе

Песьня Верш Аўтар: Андрэй Александровіч 1931 год

Новы год →

Іншыя публікацыі гэтага твора: Песня (Александровіч).

Прапануем да спампаваньня!

ПЕСЬНЯ

І стаіць каліна,
за калінай лозы.
Новай пуцявінай
новыя палозы.

Сосен цёмнасініх
многа ў нашым краі.
Там, дзе багавіньне
колас вырастае.

Там, дзе шыр балотаў,
вечных лоз драмучых, —
там кіпіць работа
радасьцю гаручай!

Сьцелецца пуцінай,
сьцелецца ня вузкай —
водгульле ў даліны
песень беларускіх.

1926