Вікікрыніцы:Выявы

Правілы карыстаньня выявамі рэкамэндацыя

Крытэры ўключэньня

• Выявы ў Вікікрыніцах павінны адпавядаць аўтарскаму праву.
• Выявы ўзораў, фатаздымкі й іншы ілюстраваны зьмест у творы:
  • выява, патрэбная для паказу часткі дакумэнту: дыяграма, ілюстрацыя, фатаздымак ды іншы зьмест арыгінальнага твору;
  • сканы, выкарыстоўваныя для распазнаваньня, вычыткі і праверкі арыгінальнага дакумэнту.
• Могуць адпавядаць іншыя выявы:
  • дэкаратыўныя элемэнты, прысутныя ў арыгінале, дызайны тытульных літараў, розныя арнамэнты.
  • фатаздымак аўтара на старонцы пра яго;
  • выява, непасрэдна датычная твору, напрыклад фатаздымак падзеі, на якой адбывалася прамова.
• Непрыдатныя выявы — такія, што не ўваходзяць у арыгінальны дакумэнт; ускосна датычныя творы — не павінны ўключацца на старонку. Выявы, зьвязаныя з творамі Вікікрыніцаў, захоўваюцца ў Вікісховішчы, Вікіпэдыі ды іншых праектах Вікімэдыі.

Загрузка

Куды загружаць

Калі дазваляюць умовы аўтарскага права, выявы варта загружаць у Вікісховішча (глядзіце тамтэйшую старонку загрузкі), шматмоўнае сховішча файлаў, якімі могуць карыстацца ўсе праекты Вікімэдыі.

Найменьне выяваў

Выявы павінны мець зразумелую, інфарматыўную назву. Першай трэба пазначыць найбольш спэцыфічную інфармацыі, а пасьля неадназначную. Напрыклад, „Page 002 (Punch, 17 July 1841).png“ або „I’d be a butterfly (Punch, 17 July 1841).png“. Гэткі спосаб робіць больш зручным карыстаньне катэгорыямі, бо выявы будуць пазначацца такім чынам: „Page 002 (Punch, 17 …“.

Выявы, якія ў будучыні могуць мець новыя выданьні (скажам, выявы ў такіх рэгулярна абнаўляных працах, як Кніга фактаў ЦРУ), трэба называць з улікам вэрсіі ці году. Напрыклад, „Старонка 057 (Кніга фактаў ЦРУ, 2007).jpg“.

Апісаньне

У апісаньні выявы варта запоўніць альбо шаблён {{Кніга}}, альбо {{Інфармацыя}}; пра гэта патлумачана на старонцы загрузкі Вікісховішча. Каб унікнуць якога-кольвек непаразуменьня, калі ласка, уводзьце падрабязнае апісаньне; загружаныя ў Вікісховішча выявы падлягаюць правілам праекту, і іх можа рэдагаваць карыстальнік, які ня ведае пра патрабаваньні ці выкарыстаньні файлаў у Вікікрыніцах.

Намагайцеся падаць такую інфармацыю (калі яна вядомая):

• тып выявы (скан, партрэт і інш.);
• аўтар;
• дата;
• ліцэнзійны статус;
• нумар старонкі (калі датычыць);
• іншыя рэлевантныя дэталі.

Напрыклад, „Гэта скан старонкі ' (старонкі 38-39) Даніеля Мартына з ілюстрацыямі Леанарад ДэРазьера. Арыгінальная кніга выдадзеная ў 1919, таму паводле законаў ЗША знаходзіцца ў грамадзкім набытку.“

У дадатак заўсёды пазначайце сканаваную ці арыгінальную выяву шаблёнам {{арыгінал}}, каб карыстальнікі Вікісховішча ведалі, што рэдагаваць яе ня варта.

Катэгарызацыя і галерэі

Усе выявы маюць быць катэгарызаваныя, а ў некаторых выпадках і зьмешчаныя ў галерэі. Пад „галерэяй“ разумеем старонку, якая катэгарызуе зьвязаныя выявы, каб у катэгорыі выступаў толькі адзін твор, а ня ўсе выявы пра яго.

Калі ў творы ілюстрацыяў багата, зручней будзе стварыць у Вікісховішчы катэгорыю зь ягонай назвай; тады можна гэтыя выявы катэгарызаваць паводле мастака, аўтара і тэматыкі.

Ніжэйпададзеная табліца падсумоўвае агульнапрынятую практыку што да выяваў. Курсіўныя тэрміны трэба замяніць адпаведнай інфармацыяй.

Тып выявы	Катэгарызацыя
Сканы асобных старонак	Уключаюцца ў катэгорыю „Назва твору“, якая ўключаецца ў „Творы Імя аўтара (па-беларуску)“, якая ўключаецца ў „Сканаваныя беларускія тэксты“ і „Імя аўтара“ (калі такая існуе).
Кніжныя вокладкі	Уключаюцца ў катэгорыю „Вокладкі беларускіх кніг“ і „Творы Імя аўтара (па-беларуску)“, якая ўключаецца ў „Сканаваныя беларускія тэксты“ і „Імя аўтара“ (калі такая існуе).
Партрэты аўтараў	Уключаюцца ў катэгорыю „Імя аўтара“, якая ўключаецца ў „Літаратары“ і „Асобы паводле імені“.

Глядзіце таксама

• Даведка:Дадаваньне выяваў — пакрокавыя інструкцыі па загрузцы і выкарыстаньня выяваў у Вікікрыніцах