Вязень (Пушкін/Багдановіч)

Вязень Верш Аўтар: Аляксандр Пушкін Пераклад: Максім Багдановіч Крыніца: knihi.com

Іншыя публікацыі гэтага твора: Вязень (Пушкін).

Прапануем да спампаваньня!

Сяджу я ў турме за рашоткай гады.
Узросшы на волі арол малады,
Друг сумны мой, машучы моцным крылом,
Крывавую страву клюе пад акном,

Клюе і кідае, глядзіць ён ў вакно
І нібы задумаў са мною адно;
Завёць мяне крыкам, паглядам сваім
І хоча прамовіць: «Давай уляцім!

Мы — вольныя птушкі; пара брат, пара!
Туды, дзе за хмарай бялее гара,
Туды, дзе сінеюць марскія края,
Туды, дзе гуляем… сам вецер ды я!..»

1822