Выйду на гару высоку…

З пляцоўкі Вікікрыніцы
(Пасля перасылкі з Выйду на гару высоку...)
Выйду на гару высоку...
Верш
Аўтар: Карусь Каганец
Крыніца: https://knihi.com/Karus_Kahaniec/Vyjdu_na_haru_vysoku.html

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Выйду на гару высоку,

Пад бярозу адзіноку.

Гляну кругом, азірнуся,

На свет божы падзіўлюся.

Буду думаць дый гадаці,

Як мне гора ўкаратаці:

Чы не ўзяці ажаніцца?

Чы ў людзі дзе пусціцца?

Чы ўсё на свеце забыўшы,

Чаркаю гора заліўшы,

У карчомцы мне гуляці,

Свайго веку каратаці?

15 травеня 1896 г.