Вол бушуе

Вол бушуе Народная песня Крыніца: Хрэстаматыя [Ноты] : па беларускай народнай музычнай творчасці : для ўстаноў адукацыі сферы культуры : [для спеваў (сола, хор) без суправаджэння / аўтар–укладальнік Зыкава Л. В.] ; Міністэрства культуры Рэспублікі Беларусь, Дзяржаўная ўстанова адукацыі "Інстытут культуры Беларусі" ; [прадмова ад укладальніка]. — Мінск : Інстытут культуры Беларусі, 2012. — 208 с.

Беларуская вяснянка, запісаная Ісакам Сербавым у 1911 г. у в. Жыцік Слуцкага раёна Мінскай вобласці // Анталогія беларускай народнай песні. Мінск, 1975. № 12. Веснавая.

Прапануем да спампаваньня!

Вол бушуе — вясну чуе,^[1]
Воран крача — сыра хоча.

Воран крача — сыра хоча,
Дзеўка плача — замуж хоча.

— Не бушуй, воле, пойдзеш ў поле
Да і ў полі наарэшся.

Не плач, дзеўка, пойдзеш замуж
Да (й) за мужам нажывешся.

Наараўся вол, улёгся,
Воран крача, сыра з’еўшы.

Воран крача, сыра з’еўшы,
Дзеўка плача, сына меўшы.

1. Кожны першы радок паўтараецца двойчы.