Веснапесьні (1929)/Гляджу на літараў радкі…

← ⁂ (Учора сонца лашчылась…)

⁂ (Гляджу на літараў радкі…) Верш Аўтар: Хведар Ільяшэвіч 1929 год

⁂ (Ноч… Паўноч, ліпа б‘е у вакно…) →

Іншыя публікацыі гэтага твора: Гляджу на літараў радкі…

Прапануем да спампаваньня!

∗
∗               ∗

„Рунь Веснаходу“. Віленскае Белар. Выдавецтва“ 1928 г.

Гляджу на літараў радкі,
Яшчэ пахнючыя друкарскім лоем,
Хачу з-пад роўнае ракі
Ўзьняць бурны непакой…
Спакойны, стройны літар лес —
Як мала, мала ў іх кіпучага вагня…
Мне сьняцца поўныя квяцьця,
Сьпеўныя вершы — бэз…
Цяпер, нам кажуць, век машын,
І песьні трубадураў зьменены варштатам,
Зьлілася песьня з сьпевам шын,
Ўрасла у колаў мах крылаты…

1928 г.