Божая Ліра (1930)/C/IV/115

← 114. Калі ўжо скончыць цярпець народ

115. Сьпі ціха, сьпі! Сьпеўнік Аўтар: Гальяш Леўчык 1930 год

116. Пусьці, о Божа! →

Прапануем да спампаваньня!

115.СЬПІ ЦІХА, СЬПІ!
(Над магілай хрысьціяніна).

1.Сьпі ціха, сьпі, гаротны сын зямлі:
Ужо акончыў шлях ты свой зямны,
З табой ня пойдзе ў сьветлу неба даль
Ні сум, ні боль, ні жаль!

2.Апошні раз цябе провадзім мы,
Але мы знаем, што шчасьлівы ты,
Бо ўжо лунаеш духам ты цяпер
Паміж нябесных сфэр!
3.Сьпі, дружа, сьпі, жыцьця ты скончыў бой,
Прыйшоў да мэты, век пражыў ты свой,
А мэтай той — Ацец Твой, Госпад Бог,
ў Яго цяпер Ты ног!

4.У Бацькі доме маеш ты спакой,
Дзе ёсьць з табой Хрыстос — Збавіцель Твой,
Дык шчасьця і славы вянок цяпер
Хрысту ты ўжо павер!

---