Божая Ліра (1930)/C/IV/112

← 111. Сьніць аб Бацькаўшчыне мілай

112. Ах дзе-ж, мой родны край? Сьпеўнік Аўтар: Гальяш Леўчык 1930 год

113/100. б) 1. Ціша па буры →

Прапануем да спампаваньня!

112.АХ ДЗЕ-Ж МОЙ РОДНЫ КРАЙ?

1.Ах дзе-ж, ах дзе-ж мой родны край? —
Дзе век вясна і вечны рай,
Дзе ня жыве ніхто ў сьлязах,
Дзе ня істнуе боль ані страх!
2.Там, дзе грахоў ня пляміць бруд,
Дзе нас ня глуміць цяжкі труд,
Ні горыч, жаль да старчых лет —
Якімі душыць нас гэты сьвет.

3.Там ў небе ёсьць мой родны край —
Там ціша, радасьць, вечны рай:
Канец нядолі, мукаў і сьлёз,
І стогнай, енкаў, крыўды, пагроз.

4.Калісь з ліхіх жыцьця дарог
Ў родны мой прыду парог —
Праўдзіву радасьць чую я.
Як скіне сум душа́ там мая.

5.Там ў родным доме сам Хрыстос
Палечыць сэрцы з ран і сьлёз
Сваім выбранцам на векаў век —
Там збаўлен будзе наш чалавек!

6.Ах дзе-ж, ах дзе-ж мой родны край?
Дзе век вясна, дзе вечны рай —
Там ня жыве ніхто ў сьлязах,
Там ня істнуе боль ані страх. —
Амэн.

---