Божая Ліра (1930)/B/III/V/101/б

← 101. а) Сказаў Хрыстос

101. б) Сказаў Ісус маёй душы Сьпеўнік Аўтар: Гальяш Леўчык 1930 год

102. Ўсё Табе даю! →

Прапануем да спампаваньня!

101.б)СКАЗАЎ ІСУС^[1] МАЁЙ ДУШЫ.

1.Сказаў Ісус^[1] маёй душы:
„Ідзі, спачынь пры мне,
Калі змарылася ў жыцьці,
Схіліся да мяне!“
Прышоў к Ісусу^[1] я да ног
Са змучанай душой —
Ён выбавіў мяне з трывог,
Жыцьцю даў сьветач свой.

2.Я шопат чуў прыемных слоў:
„Прыдзі, я дам вады —
Ты асьвяжышся ёю зноў,
Жыцьцё адновіш Ты!“
З апошняй сілы, грэшны я,
Прыйшоў чарпаць і піць,
Аж прагнасьць раптам зьнікла ўся,
Я стаў нанова жыць!

3.Тагды Ісус^[1] шапнуў мне зноў:
„Я ёсьць сьвятло́, зірні!
Як сьвеціцца мая любоў,
Як сьвеціць ўноч душы!“ —
І я зірнуў — аж бліск Яго
Мяне сабой пакрыў,
І ў сэрца сумнае маё
Паток любві паплыў.
Амэн.

1. Ісус па грэцку, па лаціні — Ѐзус, а па беларуску будзе — Язус.