Божая Ліра (1930)/B/III/I/53

← 52. Як ёсьць, іду!

53. Божа Мілы, Божа цудаў Сьпеўнік Аўтар: Гальяш Леўчык 1930 год

54. Вялікі Божа! →

Прапануем да спампаваньня!

53.БОЖА МІЛЫ, БОЖА ЦУДАЎ.

1.Божа мілы, Божа цудаў,
ўсемагутны Ойча наш,
Ты для, ўсіх нас, грэшных людцаў,
Дабрату Сваю пакаж!
Ты што знаеш наша сэрца:
Калатня там, як кірмаш, —
Для Цябе яно хай б‘ецца,
ўсемагутны Ойча наш!

2.Міласьцівы пакаяным,
ўсемагутны Ойча наш!
Літасьцівы будзь паганым,
Ці ў пагібель іх аддаш?
Мы так грэшны, так праступны —
На пакуту час нам даш —
Ня будзь, Божа, няпрыступны,
ўсемагутны Ойча наш!
3.Праз Хрыстовую навуку,
ўсемагутны Ойча наш,
Праз Яго крыжову муку,
Як спасьціся нам, пакаж!
Успакой Ты нам сумленьне,
Бо ў нас радасьці нямаш —
Чуеш нашае маленьне,
ўсемагутны Ойча наш! —

---