Божая Ліра (1930)/A/II/a/20

← 19. Ціха, малая будка

20. Што-ж рабіць мы будзем? Сьпеўнік Аўтар: Гальяш Леўчык 1930 год

21. Жолаб ты убогі →

Прапануем да спампаваньня!

20.ШТО-Ж РАБІЦЬ МЫ БУДЗЕМ?
(Народная калядка).

1.Што-ж рабіць мы будзем, брацьця пастушкі, —
Дзіцятка малое плача ў калысцы?
Мы вясёла засьпявайма,
Акруцѐм і атуляйма,
Хай уцішыцца!

2.Можа лепш дзіцятку на жалейках граць,
Або на сьвісьцёлках лепш Яму сьвістаць?
Засьвішчэце у жалейкі,
Хай ня плача больш маленькі
Наш Ісус^[1] Хрыстос!

3.Або так пацешым наша дзіцятка,
Мы Яму даруем бела ягнятка.
Дык ня плач ужо дзіцятка,
Вось жалейкі і ягнятка,
Баўся дый ня плач!

4.Перастала плакаць дзіцятка, як-бач,
Вочкі заплюшчае, сон бярэ — ня плач.
Дык паложым у пасьцельку
Засьпявайма „калыбельку“:
„Сьпі ўжо, сьпі ўжо, сьпі“!

---

1. Ісус па грэцку, па лаціні — Ѐзус, а па беларуску — будзе Язус.