Божая Ліра (1930)/A/I/9

← 8. в) Будзьце з Богам!

9. а) Бог — ёсьць наша сіла! Сьпеўнік Аўтар: Гальяш Леўчык 1930 год

10. б) Божа наш Ты, Божа! →

Прапануем да спампаваньня!

9.а)БОГ — ЁСЬЦЬ НАША СІЛА!

1.Бог — ёсьць наша сіла:
Абарона міла!
Дык трымацца можа,
Як Ты з намі, Божа,
Слабы дух.

2.Калі ўража стая
Згубна выступае —
Дух наш бяз трывогі,
Бо жджэ дапамогі
Анялаў.

3.Каб нат з усей сілы
Ворагі здушылі —
Не баімсь нічога,
Бо ўсяго такога
Замала.

4.Ёсьць, хто абароніць,
Злу напась адгоніць —
Той волат магутны:
Бо нас Бог прысутны
Бароніць!

5.Тварам ня ўкрывайся,
Духам выяўляйся,
Выбаў нас з пакуты,
Паламай ўсе путы —
Наш Божа!

6.Пакажы дарогі:
Як устаць на ногі,
Каб мы ня зблудзілі,
Дзе грахі хадзілі,
Тудою…

7.Мы за ўсё, за тое
Кінема благое,
Станемся братамі —
Добрымі людзямі —
Заўсёды!

---