Божая Ліра (1930)/A/I/10

10. б) Божа наш Ты, Божа!
Сьпеўнік
Аўтар: Гальяш Леўчык
1930 год

Прапануем да спампаваньня!

10.б)БОЖА НАШ ТЫ, БОЖА!

1.Божа наш Ты, Божа!
Ад душы прыгожа
Дух Цябе сардэчна
Моліць, славіць вечна —
Як можа.

2.Разпалі нам грудзі:
Дух любоўю будзе,
Дый Дабра парою
Шчыраю душою —
Прыбудзе!

3.Слава Божа з векаў,
А любоў — з прад-векаў,
Ласка бесканечна,
Абарона вечна —
З век-векаў.

4.Мы жывем ў нядолі,
Сумна і бяз Волі —
Надары пацехай:
Ўсіх пад роднай стрэхай —
Даволі!

5.Дзіўна нас гадуеш,
Сьцеражэш, ратуеш —
Дый бяз ліку дары,
Скарбы і ахвяры
Нам дорыш!

6.Дык за ўсё, што Божа
Міласьць даць нам можа:
Славім за ўсё цэла,
Просім Бога сьмела:
„Дай, Божа!“

7.Дай тут чалавеку
Заўсёды апеку:
Духа неслабога,
Сьцеражы ад злога,
Ад зьдзеку!

8.Як сьмерць пераможа:
Цела ў гроб паложаць —
Дай нам, што патрэба,
Каб прыйсьці да неба:
Наш Божа!