Звон (газета)/1919/9/Беларускіе сыны

Беларускіе сыны Верш Аўтар: Янка Купала 1919 год Крыніца: Часопіс «Звон», № 9 ад 12.IX.1919 г., б. 1

Іншыя публікацыі гэтага твора: Беларускія сыны. Верш друкаваўся яшчэ ў № 8 «Звона», але там карэктар прапусьціў 4 радкі, з-за чаго верш быў перадрукаваны ў наступным нумары.

Прапануем да спампаваньня!

Беларускіе сыны

Па Беларускім бітым шляху,
Бьючы у кайданавы званы,
Брыдзе чужынец, і з ім побач
Хто?

—Беларускіе сыны!

У Беларускім вольным краю,
З ярэмнай збрыушы стараны
Царыць чужынец, а у паслугах
Хто?

—Беларускіе сыны!

Над Беларускай беднай хатай,
Як полка вырвана с труны,
Вісіць чужы сьцяг, а трымае
Хто?

—Беларускіе сыны!

У Беларускім Божым доме,
Як над касьцямі груганы
Крумцяць чужынцы, а іх складам
Хто?

—Беларускіе сыны!

На Беларускім буйным полі
З вясны да новае вясны
Растуць крыжы, а пад крыжамі
Хто?

—Беларускіе сыны!

Янка Купала.

---